容許我爆句粗，呢啲咁嘅人真係「屌佢都費閪事」呀。
首先，入職已經知道個退休年齡就唔好爭取，咁點解每年咁多人走出黎話要加人工？你入職已經知得一皮野一個月，做咩冇Plan定第日唔夠用之後點算？
第二，在職時長期揮霍無度，先驚退休後生活受影響。我唔敢講冇菇係「洗腳唔抹腳」嘅人，亦相信大有人在，但事實上大部份同事死慳死抵兩餐當一餐，去超市買特價貨，捱麵包捱杯麵，其實我地份人工，以我飛八十個鐘為例帳面會有萬四五蚊，加埋外站津貼最多上到兩皮一二，我唔洗養家唔洗食飯唔洗交電話費唔洗增埴八達通呀？我去到Outport你估我練仙呀？你估嗰堆津貼我剩逗拎返香港架？如果滿足日常生活都算揮霍無度的話，我都相信係大花筒。
仲有揮霍無度就唔可以爭取權益的話，咁樣衰係咪唔可以呼吸？揮霍無度只係個別人士嘅生活方式，絕對同大眾利益無衝突！就算佢七十歲退休，佢揮霍無度衰收尾嗰幾年咪佢折墜囉，關我地呢啲慳仔慳妹乜很野事？
有時候覺得香港人好有趣，不嬲香港人睇人仆街最開心，其實空中服務員都係人，其實都係打份工，其實同大家一樣比資方壓搾嘅一群人，點解每次有關空中服務員行出黎爭取應得權益嘅時候，總有一班香港人就覺得我地貪得無厭，然後刻意抹黑，其實最涼薄嘅唔係資方，最刻毒係呢班憎人富貴嫌人窮嘅可憐蟲！
對唔住，我真係燥撚左，我真係忍唔住要爆，呢條友係咪撼親個頭呀？
Search